Pananrang Paggalung

TANRA-TANRANNA NEREKKO MAELOKI MAPPAMMULA MATTANENG-TANENG 
NA MAKESSING WASSELE’NA IYANARITU :

1. OMPONA ULENGNGE (1-6-11-16-21-26-31) RIASENGNGI LISE’ SIBAWA URE’. MASARO KESSING MAPPAMULA MATTANENG,  LAME-LAME, CANGGORENG, MAPPIARA BALE IYAREGA SININNA MALLISE YAWAE.
2. OMPONA ULENGNGE (2-7-12-17-22-27) RIASENGNGI BATANG.MASARO KESSING MAPPAMMULA MATTANENG : AJU, IYAMANENNA TANENG-TANENG IYAPPARELLUANGNGE AJUNNA/BATANGNA.
3. OMPONA ULENGNGE (3-8-13-18-23-28) RIASENGNGI DAUN. MASARO KESSING  MAPPAMMULA MATTANENG : ICO, TEH, DAUN  SAWI, PODDO, KAOLU, PANDANG, IYAMENENNA TANENG-TANENG YAPPARELLUANGNGE DAUNNA.
4. OMPONA ULENGNGE (4-9-14-29-24-29) RIASENGNGI UNGA. MASARO KESSING  MAPPAMMULA MATTANENG : BUNGA-BUNGA KAMBOJA, BUNGA MATAHARI, IYAMENENNA TANENG-TANENG MAKKI UNGAE.
5. OMPONA ULENGNGE (5-10-15-20-25-30) RIASENGNGI BUA. MASARO KESSING MAPPAMMULA MATTANENG : ASE, CENGKEH, BARELLE, KOPI, KALUKU, IYAMENENNA TANENG-TANENG IYYAPPARELLUANGNGE BUANA.

PANANRANG BOSI RILALENNA PATTAUNGNGE
LAO RIPALLAUNGRUMAE

1. MAPPAMMULAI TURUNNI BOSIE RIULENG SEDDI, RITANRAINI RILALENNA TANGGALAE, WETTU AGAI NAPOLE BOSOE, ESSOGA YAREGA WENNIGA, TETTE SIAGAI, TANGGALA SIAGAI, SIBAWA BOSINNA RITANRA TOI (MALUNG, BOSI CANECCI, MATTARUMPU, BOSI-BOSI, BOSI REDDEI), BARA KUAMMENGNGI RI ISSENGNGI EGANA BOSI ULENG SEDDI. INSYA ALLAH RISSE TONITU EGANA BOSINNA ULENG EPPA, NASABA ENGKANI PAPPADIOLONA PURA RITANRAI SIBAWA ASERA PULONA WENNINNA PURANA BOSI RIWETTUERO NAINAPPA BOSISI PAIMENG. MAKKOTORO PAIMENG
2. RILALENGNA ULENG DUA RITANRAISI PAIMENG TANGGALAE PADA-PADA LAONA ULENG SEDDI, NAIKKIYA BALINNA KOI RI ULENG LIMA, SIAGA-SIAGA BOSINNA ULENG DUA SIKOTORO BOSINNA ULENG LIMA.
3. NAIYYATOSI ULENG TELLU  RITANRAISI PAIMENG TANGGALAE PADA-PADA CARANA ULENG SEDDI, NAIYYATOSI BALINNA KOI ULENG ENNENG, JAJI SIAGA-SIAGA BOSINNA ULENG TELLU SIKOTOTU EGANA BOSINNA ULENG ENNENG, SIBAWA KOTONI RIISSENG PACCAPPURENNA BOSIE RIULENG TELLU, MANCAJI PANANNRANGNGI BOSINNA ULENG ENNENG, JAJI IDI PALLAUNGRUMAE PARELLU RIJEPPUI APPOLENGENNA BOSI PATTAUNGNGENGNGE. INSYA ALLAH NAREKKO RIALAI PANANRANG BOSIE, DETO MASARA PIKKIRI NAREKKO TIKKAI NASABA ENGKA PAPPADIOLONA.